सुनसरीको इटहरीबाट लागुऔषध सहित एक युवक पक्राउ
- समाचार
- January 31, 2023
इटहरी । सुनसरीको इटहरी उप–महानगरपालिका–२० बाट प्रतिबन्धित लागुऔषध सहित एक जनालाई प्रहरीले पक्राउ गरेको छ ।
सोमबार बेलुका बिशेष सुचनाको आधारमा ईलाका प्रहरी कार्यालय इटहरीबाट खटिएको प्रहरी टोलीले २० बर्षीय सनम थापा मगरलाई लागुऔषध सहित पक्राउ गरेको हो ।
प्रहरीले मगरको कोठामा खानतलासी गर्दा Spaspain – २ सय ८८ ट्याबलेट, Tramadol – २ सय ७८ स्यापसुल र १ किलोग्राम गाँजा लुकाई छिपाई राखेको अवस्थामा फेला हो । पक्राउ परेका थापाको सम्बन्धमा थप अनुसन्धान भईरहेको प्रहरीले जनाएको छ ।
