पौष १८ र १९ गते हतुवागढीमा नि:शूल्क आँखा शिविर

१३ पौष, घोडेटार । भोजपुरको हतुवागढी गाउँपालिका स्थित आँखाको नि:शूल्क शल्यक्रिया शिविर सञ्चालन गरिने भएको छ ।

नेपाल नेत्रज्योति संघ आँखा तथा कान उपचार केन्द्र, भोजपुरको आयोजना तथा हतुवागढी गाउँपालिकाको सहयोगमा उक्त शिविर पौष १८ र १९ गते सञ्चालन हुने भएको हो ।

प्राथमिक स्वास्थ्य केन्द्र घोडेटारमा हुन लागेको उक्त शिविरमा नेत्र विशेषज्ञहरुद्वारा आँखाका सम्पूर्ण रोगहरुको जाँच तथा उपचार, आँखामा मोतिविन्दु, मासु पलाएको लगायत रोगको नि:शूल्क शल्यक्रिया गरिने तथा चश्मा साथै औषधी सहुलियत मूल्यमा उपलब्ध गराइने जारी सुचनामा उल्लेख छ ।

दिनको बिहान ९ बजे देखि ३ बजे सम्म उक्त शिविर सञ्चालन गरिने जनाइएको छ ।

नेपाल नेत्रज्योति संघ विराटनगर आँखा अस्पताल, रानीको प्राविधिक सहयोग रहने उक्त शिविरको व्यवस्थापन प्राथमिक स्वास्थ्य केन्द्र, घोडेटार र हतुवागढी आँखा उपचार केन्द्रले गर्नेछ ।