हतुवागढीमा मंसिर १ गतेदेखि साविक वडा स्तरीय भलिबल प्रतियोगिता

पात्लेपानी । भोजपुरको हतुवागढी गाउँपालिका ८ स्थित साविक अन्तर वडा स्तरीय भलिबल प्रतियोगिता हुने भएको छ ।

युवा समुह, हतुवागढी ८ ले वडादशै, शुभदिपावली २०८० को उपलक्ष्यमा साविक वडा स्तरीय पुरुष भलिबल प्रतियोगिताको आयोजना गरेको हो ।

विद्यापोखरी खेल मैदानमा हुन लागेको उक्त प्रतियोगिता मंसिर १ देखि ३ गते सम्म सञ्चालन हुने आयोजक युवा समूहले जनाएको छ । खेलमा सहभागिताको लागि कार्तिक ३० गते दिउँसो १ बजे भित्र टिम दर्ता गरिसक्नुपर्ने छ ।

खेलाडी सम्बन्धित साविक वडा अन्तर्गतको हुनुपर्ने, खेलाडीले नागरिकता अथवा परिचय खुल्ने कागजात पेश गर्नुपर्ने तथा तत्काल बसाइसराईको प्रमाण पत्र मान्य नहुने जारी सुचनामा उल्लेख छ ।
नकआउटको आधारमा हुने उक्त प्रतियोगितामा प्रथमले ५१ हजार १ सय १, दास्रोले ३० हजार र तेस्रोले १५ हजार नगद पुरस्कार सहित ट्रफी मेडल र प्रमाणपत्र प्राप्त गर्नेछन् ।