मुख्यमन्त्री राजेन्द्र राई भोजपुर क बाट प्रदेशसभा सदस्यमा निर्वाचित

८ मंसिर, भोजपुर । प्रदेश नं १ का मुख्यमन्त्री राजेन्द्र राई भोजपुरको प्रदेशसभा क बाट निर्वाचित भएका छन् ।

मतगणनाको क्रममा सुरुवाती अग्रता लिएका मुख्यमन्त्री राईले नेकपा एमालेका उम्मेदवार हरिबहादुर राईलाई फराकिलो मतान्तरले पराजित गराएका हुन् ।

गठबन्धन दलबाट नेकपा एकीकृत समाजवादी पार्टीका उम्मेदवार राजेन्द्र राईले १६ हजार १ सय १० मत प्राप्त गरेका छन् भने उनका निकटतम प्रतिद्वन्द्वी एमालेका हरिबहादुर राईले १२ हजार २ सय २३ मत प्राप्त गरे ।

त्यस्तै जनता समाजवादी पार्टीका उम्मेदवार मणिराज राईले ९७४ मत प्राप्त गरे ।

भोजपुरको प्रदेश सभा क तर्फ जम्मा ३२ हजार ४ सय ९ मत खसेको थियो । गठबन्धन दलका उम्मेदवार राई ३ हजार ८ सय ८७ मतको अन्तरले विजयी भएका हुन् ।
अन्तिम मतपरिणाम सार्वजनिक भएपनि आधिकारिक रुपमा विजयी घोषणा हुन बाँकी रहेको छ ।