नेकपा एमाले भोजपुरले गर्यो संघ र प्रदेशको लागि ३८ जना उम्मेदवारको नाम सिफारिस

शेयर गर्नुहोस

भोजपुर, २२ भाद्र । नेपाल कम्युनिस्ट पार्टी एमाले भोजपुरले आगामी मङ्सिर ४ गते हुने प्रतिनिधि सभा तथा प्रदेशसभा निर्वाचनका लागि उम्मेदवारहरुको नाम सिफारिस गरेको छ ।

मंगलबार (हिजो) बसेको नेकपा एमाले जिल्ला कमिटी भोजपुरको पूर्ण बैठकले प्रतिनिधिसभा र दुई प्रदेशसभाका लागि प्रत्यक्ष तथा समानुपातिकतर्फ ३८ जना उम्मेदवारहरुको नाम सिफारिस गरेको हो ।

भोजपुरमा प्रतिनिधिसभा तर्फ एक निर्वाचन क्षेत्र रहेको छ भने प्रदेशसभा तर्फ दुई निर्वाचन क्षेत्र रहेको छ । एमाले भोजपुरले प्रतिनिधिसभा तर्फ प्रदेश १ का पूर्व मुख्यमन्त्री तथा एमाले स्थायी कमिटी सदस्य शेरधन राई र पूर्व पर्यटन मन्त्री तथा एमाले प्रदेश कमिटी सचिवालय सदस्य कृपाशुर शेर्पाको नाम सिफारिस गरेको छ ।
प्रतिनिधिसभा समानुपातिक तर्फ पासाङ दोर्ची शेर्पा र शशी रोक्का नाम सिफारिस गरिएको छ ।

त्यस्तै एमालेले प्रदेशसभा निर्वाचन क्षेत्र १ (क) प्रत्यक्षतर्फ हरि बहादुर राई, देवीराम चौलागाई, प्रकाश पौडेल, प्रशुराम अधिकारी, योगेन्द्र खत्री र रोशन बस्तेतको नाम सिफारिस गरिएको छ भने समानुपातिकमा इन्दिरा घले, खगेन्द्र राई, ठाकुरसिं राई, दिपेन्द्र प्रसाद घिमिरे, विनिता तामाङ, विष्णु बहादुर राउत, भोज बहादुर भुजेल, राजकुमार दंगाल (समुल) लक्ष्मी कला राई (जिसी) सुबास मगर र शेरबहादुर श्रेष्ठको नाम सिफारिस गरिएको हो ।

प्रदेश सभा निर्वाचन क्षेत्र २ (ख) प्रत्यक्ष तर्फ खड्ग बहादुर कार्की (प्रेम) तीर्थकुमार राई, ध्यान बहादुर राउत, प्रशुराम अधिकारी, पारुहाङ राई, राजन कुमार श्रेष्ठ र सृजना राईसहित सात जनाको नाम सिफारिस गरिएको छ ।

त्यस्तै समानुपातिक तर्फ कुमार फुयाल, चित्रलाल विक, दुर्गा रणपंहेली, पिवन्त न्यौपाने, बन्दना राई, मुक्ती राई, लाल बहादुर विक, राजकुमार कार्की र सजना दर्जीको नाम सिफारिस गरिएको हो ।

अन्य पोष्टहरु

कोशी प्रदेशले ल्यायो बजेट ३५ अर्ब २७ करोड

कोशी प्रदेशले ल्यायो बजेट ३५ अर्ब २७ करोड

शेयर गर्नुहोस विराटनगर । कोशी प्रदेश सरकारले आगामी आर्थिक वर्षका लागि ३५ अर्ब २७ करोड ९३…
माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

शेयर गर्नुहोस इटहरी । जनता बहुमुखी क्याम्पस इटहरीमा ‘स्ववियु कप २०८०’ सप्ताहव्यापी खेलकुद समारोह हुने भएको…
भोजपुरको लुङथुङमा १० बर्षीया बालिका झुण्डिएको अवस्थामा मृत फेला

भोजपुरको लुङथुङमा १० बर्षीया बालिका झुण्डिएको अवस्थामा मृत फेला

शेयर गर्नुहोसमाघ १०, घोडेटार । भोजपुरको हतुवागढी गाउँपालिका ४ स्थित लुङथुङमा एक बालिका झुण्डिएको अवस्थामा मृत…